စစ်တွေနှင့် ကျောက်ဖြူမြို့တို့တွင် အထူးစီးပွားရေးဇုန် တည်ဆောက်သွားမည်

ဒီဇင်ဘာလ ၁ ရက်။  ရခိုင်ပြည်နယ်အတွင်းရှိ စစ်တွေနှင့် ကျောက်ဖြူမြို့တို့တွင် အထူးစီးပွားရေးဇုန်များ တည်ထောင်သွားရန်ရှိကြောင်း ရခိုင်ပြည်နယ် အနောက်ပိုင်းတိုင်း စစ်ဌာနချုပ်တိုင်းမှူး ဗိုလ်ချုပ်သောင်းအေးက မကြာသေးမီက စစ်တွေမြို့တွင် ကျင်းပခဲ့သော ပညာရည်ချွန်ဆုပေးပွဲ အခမ်းအနားတွင် ထည့်သွင်းပြောကြားခဲ့ပါသည်။ ယင်းသို့တည်ဆောက်ရာတွင် ကျွမ်းကျင်လုပ်သားများ လိုအပ်ချက်အတွက် ကြိုတင်ပြင်ဆင်ထားမှု များမှာလည်း အရေးပါလှကြောင်း သိရှိရပါသည်။     စက်မှုဇုန် တည်ဆောက်ရာ တွင် ပြည်ပနိုင်ငံများမှကုမ္ပဏီများ လာရောက်မြှုပ်နှံကြမည်ဖြစ်ကြောင်း၊ ယင်းသို့ မြှုပ်နှံကြရာတွင်လည်း အိန္ဒိယ၊ တရုတ်၊ ထိုင်း၊ စင်ကာပူ နိုင်ငံများမှ လာရောက် ရင်းနှီးမြှုပ်နှံရန် အလားအလာများရှိကြောင်းနှင့် အမြန်ဆုံး အကောင်အထည်ဖော် ဆောင်ရွက်သွားနိုင်ခြေရှိကြောင်းလည်း သိရသည်။ ယင်းဇုန်များ တွင် ပို့ကုန်ပစ္စည်း ထုတ်လုပ်ရေးလုပ်ငန်းများ၊ ဇုန်အလိုက်ဆက်နွှယ်နေသည့် လုပ်ငန်းများနှင့်သတင်း အချက်အလက်နှင့် တယ်လီကွန် ဆက်သွယ်ရေးနည်းပညာလုပ်ငန်းများ ပါဝင်နိုင်ကြောင်းလည်း စီးပွားရေး လုပ်ငန်းရှင်များက သုံးသပ်ကြသည်။ " ဒေပိုင် အထူးစီးပွားရေးဇုန်တိ်ွ ရခိုင်ပြည်နယ်မှာ တည်ဆောက်လာရေ့အတွက် ရခိုင်ဒေသကလူငယ်တွေ ပြည်ပကိုသွားပြီးအလုပ်လုပ်ဖို့ မလိုပါဗျာယ်။ အလုပ်အကိုင် အခွင့်အလမ်းတိလည်း ရရှိလာကတ်ဖို့ပါ။   ယေဒါလဲစီးပွားရေးဇုန် ထူထောင် ရေ အခါ လိုအပ်တေကျွမ်းကျင်လုပ်သားတိစွာသာမန်လုပ်သားတိထက် ပိုအရေးကြီးပါရေ်။ ကိုယ့်ဒေသမှာ ကျွမ်းကျင် လုပ်သားမရှိကေ် နိုင်ငံခြားက ကျွမ်းကျင်လုပ်သားတိ ၀င်ရောက်လာနိုင်ရေ။ ဒေပိုင်ပြည်ပက ကျွမ်းကျင်လုပ်သားတိ ၀င်ရောက်လာကေ ကိုယ်တို့အတွက်၊ ကိုယ့်ဒေသအတွက် ဆုံးရှုံးမှုတိရှိနိုင်ပါရေ။ ယင်းကြောင်းပြင်ဆင်ထားဖို့ လိုအပ်ပါရေ။ ကြိုတင်ပြင်ဆင်ထားနိုင်မှ ဒေသအတွက်ရော နိုင်ငံအတွက် ပါ ပိုမိုအကျိုးရှိဖိုပါ"ဟု စီးပွားရေး လုပ်ငန်းရှင်တစ်ဦးက ပြောကြားခဲ့ပါသည်။     အထူးစီးပွားရေးဇုန်များ လျင်မြန်စွာ အကောင်အထည်ဖော်ရေးနှင့် အောင်မြင်ရေးသည် ယင်းဇုန်များ ထူထောင်ရာတွင် ချမှတ်ထားသော စည်းမျဉ်းစည်းကမ်းများအပေါ်တွင် များစွာ မူတည်ကြောင်း၊ နိုင်ငံခြား တိုက်ရိုက်ရင်းနှီး မြှုပ်နှံမှုများကို ဆွဲဆောင်ရာတွင်လည်း အိမ်နီးချင်း နိုင်ငံများမှ လာရောက်ရင်းနှီးမြှုပ်နှံမှု နှင့်ပင် ကျေနပ်တင်းတိမ်နေ၍မဖြစ်ဘဲ စီးပွားရေးအင်အားကြီး နိုင်ငံများကပင် လာရောက်ရင်းနှီး မြှုပ်နှံနိုင်သော အခြေအနေများကိုလည်း ဖန်တီးပေးသင့်ကြောင်း အဆိုပါပုဂ္ဂိုလ်ကသူ့အမြင်ကို ပြောကြားခဲ့ပါသည်။ Photo (KHINEROMA)  စစ်တွေစက်မှုဇုန်တည်ဆောက်မည့်နေရာကို တွေ့ရစဉ်     ရခိုင်ပြည်နယ်အတွင်းတွင် ထိုသို့စီးပွားရေးဇုန်များ ယခင်ကမရှိခဲ့သဖြင့် ယခုပထမဦးဆုံး တည်ဆောက်မည်ဖြစ်သော်လည်း ယင်းဇုန်များသည် နိုင်ငံအတွက်သာက ပြည်နယ်အတွက်လည်း များစွာ အကျိုးရှိလာမည် ဖြစ်သည့်အတွက် ဒေသခံစီးပွားရေးလုပ်ငန်းရှင်များကလည်း မျှော်လင့်ထားကြောင်း သိရသည်။ မြန်မာနိုင်ငံတွင် ၁၉၈၈ ခုနှစ် နိုင်ငံခြားရင်းနှီးမြှုပ်နှံမှု ဥပဒေ ပြဋ္ဌာန်းသည့်အချိန်မှစ၍ ၂၀၀၇ ခုနှစ် ဧပြီလကုန်အထိ နိုင်ငံခြားရင်းနှီး မြှုပ်နှံမှုပမာဏမှာ အမေရိကန်ဒေါ်လာ ၁၄၅၈ ဒသမ ၅၅၉ သန်းရှိခဲ့ကြောင်းလည်း သိရှိရပါသည်။ ယင်းအပြင် အထူးစီးပွားရေးဇုန်များတွင် ရင်းနှီးမြှုပ်နှံသူများကို အခွန်ကင်းလွတ် ခွင့်ပြုမည်ဖြစ်ရာ ထုတ်လုပ်မှုကဏ္ဍတွင် ပထမငါးနှစ်အတွက် ၀င်ငွေခွန် ကင်းလွတ်ခွင့်ပေးမည်ဖြစ်ပြီး အဆင့်မြင့် နည်းပညာကဏ္ဍတွင် ပထမ ရှစ်နှစ်၊ စိုက်ပျိုးရေး၊ မွေးမြူရေး နှင့်သစ်တောထွက် ကဏ္ဍတွင် ပထမ နှစ်နှစ်၊ ဘဏ်လုပ်ငန်းဝန်ဆောင်မှု တို့အတွက် ပထမနှစ် စသည်ဖြင့် သတ်မှတ်ထားလေ့ရှိကြောင်းလည်း သိရှိရပါသည်။     အလားတူ ကျောက်ဖြူမြို့တွင် အပြည်ပြည်ဆိုင်ရာ လေယာဉ်ကွင်းတစ်ခုကိုလည်း တည်ဆောက်မည်ဖြစ်ရာ အဆိုပါစက်မှုဇုန်အတွက် များစွာအရေးပါပြီး အထောက်အကူပြု နိုင်မည်ဖြစ်ကြောင်း၊ ကျောက်ဖြူသည် ပင်လယ်ကမ်းခြေတွင် တည်ရှိသောမြို့ဖြစ်သည့်အပြင် ရေနက်ဆိပ်ကမ်းတည်ရှိရာမြို့တစ်ခု ဖြစ်သည့်အတွက် ပင်လယ်ကူးသင်္ဘော ကြီးများလည်း အလွယ်တကူ ၀င်ထွက်သွားလာနိုင်မည် ဖြစ်ရာ စီးပွားရေးဇုန်အတွက် လေကြောင်း အပါအ၀င် ရေကြောင်းမှသယ်ယူ တင်ပို့နိုင်မှုလည်း အားကောင်းလာမည်ဖြစ်ကြောင်းလည်း သိရှိရသည်။ ထို့ကြောင့် ကျောက်ဖြူမြို့သည် စစ်တွေမြို့နှင့်အတူ စည်ပင် ဖွံ့ဖြိုးလာမည်ကိုမျှော်လင့်လျက် ရှိကြောင်းလည်း ဒေသခံများက သုံးသပ်ပြောဆိုကြသည်။ လက်ရှိ အနေအထားတွင် ကျောက်ဖြူ၌  F 27 လေယာဉ်များသာ ဆင်းသက်နိုင်သော လေယာဉ်ကွင်းရှိသော်လည်း မကြာမီ လေယာဉ်ကွင်းကြီး တစ်ခုဖြစ်လာခဲ့မည် ဆိုပါက ကျောက်ဖြူမြို့အနေအထား သည် များစွာတိုးတက်ပြောင်းလဲ သွားနိုင်ခြေရှိကြောင်းလည်း သုံးသပ်ပြောဆိုကြပါသည်။                               Ref://www.news-eleven.com/

Posted in: